यही साउन ११ गते सुनसरी जिल्लाको देवानगञ्ज गाउँपालिका–३, नयाँहाट (कप्तानगञ्ज) मा कोशी प्रदेश कार्यसमिति सदस्यसमेत रहेका अन्सारीको मोटरसाइकल तोडफोड भएको महासंघको कोशी प्रदेश समितिले जनाएको छ ।

यसरी सञ्चारकर्ममा अवरोध पुर्‍याउने र त्रास सिर्जना गर्ने घटना अत्यन्तै निन्दनीय र प्रेस स्वतन्त्रताविरोधी रहेको महासंघको ठम्याइ छ । तसर्थ संलग्न व्यक्तिहरूको पहिचान गरी कानुनी दायरामा ल्याउन महासंघ सम्बन्धित निकायसँग जोडदार माग गर्दछ ।

पत्रकार आचारसंहिताप्रति जिम्मेवार रही सुरक्षा सतर्कताका साथ सञ्चारकर्ममा जुट्न पत्रकारहरूलाई हार्दिक अपिल गरिन्छ ।

साथै, महासंघ सुनसरीको देवानगञ्ज घटनाको संवेदनशीलतालाई गम्भीर रुपमा लिन, धार्मिक तथा सामाजिक सद्भाव भड्काउने गतिविधि नगर्न तथा आम नागरिकको जीउधनको सुरक्षाप्रति संवेदनशील बन्न सम्बन्धित पक्षको ध्यानाकर्षण गराउँदछ ।

रुपन्देहीको तिलोत्तमा नगरपालिका-५ मणिग्राममा दक्षिण एसियाली ज्योतिष महासंघ लुम्बिनी प्रदेश समितिद्वारा आयोजित ‘लुम्बिनी वास्तु सम्मेलन–२०८३’ को उद्घाटन गर्दै मुख्यमन्त्री आचार्यले परम्परागत ज्ञानलाई आधुनिक प्रविधिसँग समन्वय गरी सुरक्षित, वातावरणमैत्री र दीगो संरचना निर्माणमा उपयोग गर्नुपर्ने आवश्यकता औँल्याउनुभयो ।

उहाँले वास्तुशास्त्रले मानव जीवन, प्रकृति र निर्माणबीच सन्तुलन कायम गर्ने अवधारणालाई अघि सारेको उल्लेख गर्दै यसको अध्ययन, अनुसन्धान र व्यवहारिक प्रयोगलाई समयानुकूल बनाउँदै लैजानुपर्ने बताउनुभयो ।

मुख्यमन्त्री आचार्यले नेपालको मौलिक ज्ञान, संस्कृति र सभ्यताको संरक्षण तथा प्रवर्द्धनमा यस्ता सम्मेलनले महत्वपूर्ण योगदान पुर्‍याउने विश्वास व्यक्त गर्नुभयो । उहाँले वास्तु, ज्योतिष तथा अन्य परम्परागत ज्ञानलाई अन्धविश्वासका रूपमा नभई अनुसन्धान र प्रमाणका आधारमा व्याख्या तथा विकास गर्नुपर्ने धारणा राख्नुभयो ।

उहाँले समाजमा सकारात्मक चेतना अभिवृद्धि गर्न, सांस्कृतिक सम्पदाको संरक्षण गर्न तथा नयाँ पुस्तालाई मौलिक ज्ञानसँग जोड्न यस्ता कार्यक्रम उपयोगी हुने बताउनुभयो । साथै, प्रदेश सरकारले ज्ञान, संस्कृति र पर्यटन प्रवर्द्धनसँग सम्बन्धित कार्यलाई प्राथमिकता दिएको बताउनु भएको हाे ।

सम्मेलनमा वास्तुशास्त्रका विज्ञ, ज्योतिषविद्, अनुसन्धानकर्ता तथा विभिन्न जिल्लाबाट सहभागी प्रतिनिधिहरूको उपस्थिति रहेको थियो ।

कार्यक्रममा वास्तुशास्त्रको वर्तमान अवस्था, यसको वैज्ञानिक पक्ष तथा व्यवहारिक प्रयोगका विषयमा छलफल गरिने आयोजकले जनाएको छ ।

कार्यक्रममा वल्र्ड भिजन इन्टरनेशनल नेपालका बाँके जिल्ला संयोजक तिलक केसीले कुपोषण अझै पनि बालबालिका तथा समुदायको स्वास्थ्यका लागि प्रमुख चुनौतीका रूपमा रहेको उल्लेख गर्दै दिगो पोषण सुधारका लागि स्थानीय सरकार, समुदाय र सरोकारवाला निकायबीच प्रभावकारी सहकार्य आवश्यक रहेको बताउनुभयो । उहाँले पोषणसम्बन्धी नियमित संवाद र सचेतनामूलक कार्यक्रमले समुदायमा सकारात्मक परिवर्तन ल्याउन महत्वपूर्ण भूमिका खेल्ने धारणा व्यक्त गर्नुभयो ।

त्यसैगरी सामाजिक विकास मञ्च बाँकेका एनसिजी अफिसर विवेक मलासीले नेपालमा पोषणको वर्तमान अवस्था, कुपोषणका जोखिम, सुधारिएको पोषणका सकारात्मक परिणाम तथा कुपोषण न्यूनीकरणका व्यावहारिक उपायबारे प्रशिक्षण दिनुभएको थियो ।
कार्यक्रममा सहभागीहरूलाई समूहगत छलफलमार्फत जानकी गाउँपालिकाको समुदायस्तरमा देखिएका पोषणसम्बन्धी चुनौतीहरूको पहिचान गराइएको थियो । साथै तत्काल कार्यान्वयन गर्नुपर्ने प्राथमिकता, स्थानीय स्रोत–साधनको उपयोग र दीर्घकालीन रूपमा पोषण सुधारका लागि अपनाउनुपर्ने रणनीतिबारे समेत सुझाव संकलन गरिएको थियो ।

जानकी गाउँपालिका वडा नं. ५ का वडा अध्यक्ष टिकानाथ यादवको अध्यक्षतामा सम्पन्न कार्यक्रममा सामाजिक विकास मञ्च बाँकेका बाल संरक्षण अधिकृत जनक चौधरी, गाउँपालिकाका जनप्रतिनिधि, कर्मचारी, स्वास्थ्यकर्मी, महिला स्वास्थ्य स्वयंसेविका, शिक्षक, बालक्लबका पदाधिकारी तथा पत्रकारहरूको सहभागिता रहेको थियो ।

कार्यक्रममा सहभागीहरूले पोषणलाई पालिका विकासको प्राथमिकतामा राख्दै शिक्षा, स्वास्थ्य, कृषि उत्पादन, सामाजिक एकता र जनचेतनासँग जोडेर अघि बढाउनुपर्नेमा जोड दिएका थिए । उनीहरूले कुपोषण न्यूनीकरणका लागि सबै पक्षको समन्वय र सक्रिय सहभागिता अपरिहार्य रहेको निष्कर्षसमेत निकालेका थिए ।

अंग्रेजी साहित्यमा स्नातकोत्तर प्रतीक्षा चापागाईँ लैङ्गिक तथा यौनिक अल्पसंख्यक (एलजीबीटीक्यूआई) समुदायको प्रतिनिधित्व गर्दै प्रतिष्ठानको सदस्यमा मनोनयन भएकी हुन्। यसअघि लैङ्गिक तथा यौनिक अल्पसंख्यक समुदायका प्रतिनिधिहरूले सभापति गगनकुमार थापासँग भेट गरी पार्टीमा प्रतिनिधित्वको माग गरेका थिए। उक्त मागलाई सम्बोधन गर्दै सभापति थापाले समुदायको ऐतिहासिक प्रतिनिधित्व सुनिश्चित गराएका हुन्।

नेपाली कांग्रेसले यसअघि लैङ्गिक तथा यौनिक अल्पसंख्यक समुदायबाट पहिलोपटक भूमिका श्रेष्ठलाई महाधिवेशन प्रतिनिधि बनाएको थियो। हाल भूमिका श्रेष्ठ नेपाली कांग्रेस छोडेर राष्ट्रिय स्वतन्त्र पार्टी (रास्वपा)बाट आदिवासी जनजाति महिला कोटामा प्रतिनिधिसभा सदस्य (सांसद) निर्वाचित भएकी छन्।

कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानको सदस्यमा मनोनयन हुन पाएकोमा प्रतीक्षा चापागाईँले आभार व्यक्त गरेकी छन्। उनले आफ्नो संस्था ‘मायाको पहिचान नेपाल’, आफ्ना सहकर्मीहरू, सम्पूर्ण टोली, युरोपेली सङ्घ र ‘एक्सन एड नेपाल’प्रति कृतज्ञता व्यक्त गर्दै आफू यस जिम्मेवारीको उद्देश्यप्रति पूर्ण प्रतिबद्ध रहेको र नेतृत्वप्रति धन्यवाद दिएकी छन्।

उनले आफ्नो राजनीतिक यात्रामा निरन्तर सहयोग र मार्गदर्शन प्रदान गर्ने मायाको पहिचान नेपालका कार्यकारी निर्देशक सुनिल बाबु पन्तप्रति विशेष आभार व्यक्त गरेकी छन्। “नीतिगत तहमा परिवर्तनको कुरा गर्दा समानता र एकरूपताको खोजी गर्ने हाम्रो सम्पूर्ण समुदायको हितका लागि योगदान पुर्‍याउन सकूँ भन्ने उद्देश्यका साथ आगामी राजनीतिक यात्रामा पनि उहाँबाट यस्तै सहयोगको अपेक्षा गर्दछु,” चापागाईँले लेखेकी छन्।

शिक्षा प्रदान गरेर तथा लैङ्गिक पहिचान र अपाङ्गताका आधारमा कुनै भेदभाव नगरी आफ्नो यात्रामा सधैँ साथ दिने बुबा–आमाप्रति पनि उनले विशेष आभार व्यक्त गरेकी छन्। “म जनसरोकार राख्ने व्यक्ति हुँ र मानवताको मुक्तिका लागि अघि सारिएका बृहत्तर उद्देश्यहरूलाई सधैँ समर्थन गर्नेछु,” उनले उल्लेख गरेकी छन्।

मायाको पहिचान नेपालले नेपाली कांग्रेसद्वारा दृष्टिविहीन समलिङ्गी महिला प्रतीक्षा चापागाईँलाई केन्द्रीय नीति, अनुसन्धान तथा प्रशिक्षण प्रतिष्ठानको सदस्यमा मनोनयन गरिएकोमा हार्दिक बधाई तथा शुभकामना व्यक्त गरेको छ।

संस्थाले जारी गरेको विज्ञप्तिमा, “यो नियुक्ति केवल एक व्यक्तिको उपलब्धि मात्र नभई लैङ्गिक तथा यौनिक अल्पसंख्यक समुदाय, विशेषगरी बहुआयामिक विभेदको सामना गरिरहेका व्यक्तिहरूको क्षमता, नेतृत्व र योगदानको औपचारिक स्वीकारोक्ति पनि हो,” भनिएको छ। साथै, दृष्टिविहीनता र समलैङ्गिक पहिचान दुवैका कारण दोहोरो चुनौती सामना गर्दै आएकी प्रतीक्षा चापागाईँको यो जिम्मेवारीमा नियुक्ति हुनु समावेशी लोकतन्त्र र प्रतिनिधित्वको दिशामा महत्त्वपूर्ण सन्देश भएको संस्थाले जनाएको छ।

मायाको पहिचान नेपालले नेपाली कांग्रेसलाई यस सकारात्मक पहलका लागि धन्यवाद दिँदै यो कदम केवल प्रतीकात्मक प्रतिनिधित्वमा सीमित नरही नीति निर्माण, अनुसन्धान, नेतृत्व विकास तथा पार्टीका निर्णय प्रक्रियामा लैङ्गिक तथा यौनिक अल्पसंख्यक समुदायका व्यक्तिहरूको अर्थपूर्ण र प्रभावकारी सहभागिता सुनिश्चित गर्ने दिशामा अगाडि बढ्ने अपेक्षा पनि व्यक्त गरेको छ।

पहिलो संविधानसभाका सदस्य सुनिल बाबु पन्तले कांग्रेसमा दृष्टिविहीन समलिङ्गी महिलाको प्रतिनिधित्व समावेशी राजनीतितर्फको सकारात्मक कदम भएको बताएका छन्। उनले नेपालका अन्य राजनीतिक दलहरूलाई पनि आफ्ना संरचना, नीति निर्माण निकाय, केन्द्रीय तथा प्रदेश तहका समिति, प्रशिक्षण प्रतिष्ठान र नेतृत्व तहमा लैङ्गिक तथा यौनिक अल्पसंख्यक समुदायका व्यक्तिहरूलाई वास्तविक अवसर प्रदान गर्न आग्रह गरेका छन्।

“केवल सदस्यता वितरण वा घोषणापत्रमा समावेशी भाषाको प्रयोग मात्र पर्याप्त हुँदैन। समुदायका मुद्दा, अनुभव र दृष्टिकोणलाई पार्टीको नीति तथा कार्यक्रमभित्र समेट्ने, नेतृत्व विकास गर्ने र निर्णय प्रक्रियामा सहभागी गराउने कार्य नै साँचो समावेशीकरण हो,” पन्तले प्रतिक्रिया दिएका छन्।

उनले नेपालको संविधानले समानता, समावेशिता र सामाजिक न्यायको प्रत्याभूति गरेको उल्लेख गर्दै अब राजनीतिक दलहरूले पनि यी संवैधानिक मूल्यहरूलाई व्यवहारमा उतार्दै लैङ्गिक तथा यौनिक अल्पसंख्यक समुदायका नागरिकहरूलाई नेतृत्व र नीति निर्माणका अवसरमा पहुँच दिन आवश्यक रहेको बताए।

पन्तले प्रतीक्षा चापागाईँको नियुक्तिले अन्य राजनीतिक दलहरूलाई पनि सकारात्मक प्रेरणा दिने विश्वास व्यक्त गर्दै उनको सफल कार्यकालको शुभकामना दिएका छन्।