खाद्य सामग्रीको गुणस्तर कायम राख्न तथा उपभोक्ता हित संरक्षण गर्ने उद्देश्यले गरिएको नियमित बजार अनुगमनका क्रममा करिब ३० किलो मासको दालमा अखाद्य रङ प्रयोग गरिएको भेटिएको हो। उपभोक्ताको स्वास्थ्यमा प्रतिकूल असर पर्न सक्ने भएकाले उक्त दाल तत्काल जफत गरी नष्ट गरिएको अनुगमन टोलीले जनाएको छ।
अनुगमनका क्रममा उद्योगमा उत्पादन, भण्डारण, सरसफाइ, लेबलिङ तथा खाद्य गुणस्तरसँग सम्बन्धित मापदण्डहरूको समेत निरीक्षण गरिएको थियो। टोलीले उद्योग सञ्चालकलाई प्रचलित खाद्य ऐन, नियम तथा मापदण्डको पूर्ण पालना गर्न निर्देशन दिएको छ।
संयुक्त बजार अनुगमन टोलीका संयोजक तथा सहायक प्रमुख जिल्ला अधिकारी महेश कुमार गुरुङले उपभोक्ताको स्वास्थ्यसँग प्रत्यक्ष सरोकार राख्ने खाद्य सामग्रीमा कुनै पनि प्रकारका अखाद्य पदार्थ वा रङको प्रयोग नगर्न व्यवसायीलाई सचेत गराउँदै यस्ता गतिविधि दोहोरिए कानुन बमोजिम कडा कारबाही गरिने चेतावनी दिनुभयो।
अनुगमन टोलीले बजारमा बिक्री–वितरण हुने खाद्य वस्तुको गुणस्तर सुनिश्चित गर्न नियमित अनुगमनलाई निरन्तरता दिइने जनाएको छ। साथै उपभोक्तालाई शंकास्पद खाद्य सामग्री वा अनियमितताबारे सम्बन्धित निकायमा जानकारी गराउन आग्रह गरिएको छ।

आर्थिक वर्ष २०८२/०८३ मा सामाजिक विकास मन्त्रालय र मातहतका निकायबाट सम्पादन गरिएका कार्यको मंगलबार मुख्यमन्त्री तथा मन्त्रिपरिषदकाे कार्यालयमा आयाेजित वार्षिक समीक्षा कार्यक्रममा बोल्दै मुख्यमन्त्री आचार्यले योजना अलपत्र नपार्न निर्देशन दिनुभएको हाे । विद्यालय भवन निर्माण लगायत सुरु भएका योजना समयमै सम्पन्न गर्नुपर्नेमा उहाँले जोड दिनुभयो ।

उहाँले काम गर्ने शैली र कार्यसम्पादनको तौरतरिका परिवर्तन गर्नुपर्ने आवश्यकता औंल्याउँदै तालिम, गोष्ठी र सेमिनारभन्दा प्रत्यक्ष प्रभाव र उपलब्धि दिने कार्यक्रम कार्यान्वयनमा प्राथमिकता दिन निर्देशन दिनुभयो ।

मुख्यमन्त्री आचार्यले कार्यविधि निर्माणमा ढिलाइ नगर्न पनि निर्देशन दिनुभयो । साउन र भदौ महिनाभित्र आवश्यक कार्यविधि तयार गरी असोजदेखि कार्यक्रम कार्यान्वयनमा लैजानुपर्ने उहाँको भनाइ थियो ।

उहाँले सम्पन्न हुन सक्ने योजनालाई पहिलो प्राथमिकता दिन र पूरा गर्न नसकिने योजना अघि नबढाउन निर्देशन दिनुभयो । १० लाख रुपैयाँभन्दा माथिका योजनामा ठेक्का प्रक्रिया अपनाउन र १० लाख रुपैयाँभन्दा कम लागतका विद्यालयसम्बन्धी योजनाहरू कोटेसनमार्फत नभई सम्बन्धित विद्यालयसँग सम्झौता गरेर कार्यान्वयन गर्नुपर्ने उहाँको निर्देशन थियो ।

मुख्यमन्त्री आचार्यले मन्त्रालय, निर्देशनालय तथा मातहतका सबै निकायले आफ्नो कार्यसम्पादनलाई जिम्मेवारीपूर्वक अघि बढाउनुपर्ने बताउनुभयो । बजेटको सही कार्यान्वयन, जनपक्षीय सेवा, उपलब्धिमूलक कार्यक्रम र सहज सेवा प्रवाहमा विशेष ध्यान दिन उहाँले निर्देशन दिनुभयो ।

वार्षिक समीक्षा कार्यक्रममा प्रमुख सचिव कृष्णप्रसाद काप्री, प्रदेश योजना आयोगका उपाध्यक्ष डाक्टर डिल्लीराज अर्याल लगायतले सामाजिक विकास मन्त्रालयको वार्षिक प्रगतिको समीक्षा गर्नुभएको थियो ।