नेपालगञ्ज ०७ मङ्सिर । क्रान्तिकारी कम्युनिस्ट पार्टी, नेपालले “साम्राज्यवाद, प्रतिगमन तथा यथास्थितिको विरोध गरौं, स्वाधीन संयुक्त सरकार गठन गरौं” भन्ने मागसहित देशभरका १६ मुख्य सहरमा एकैपटक जनसभा कार्यक्रम आयोजना गर्ने भएको छ।

पार्टीका अनुसार महेन्द्रनगर, धनगढी, नेपालगञ्ज, घोराही, बुटवल, बागलुङ बजार, पोखरा, भरतपुर, विदुर, काठमाडौं, धुलिखेल, वीरगञ्ज लगायतका शहरहरूमा सोही दिन जनसभा हुने बताइएको छ।

यसै क्रममा नेपालगञ्जमा हुन लागेको जनसभा आज मंसिर ७ गते, धम्बोझी चोकमा, दिउँसो १२ बजे सुरु हुनेछ। कार्यक्रममा पार्टीका केन्द्रीय तथा क्षेत्रीय नेतृत्वको उपस्थिति रहने जनाइएको छ।

समाचार संकलन तथा कवरेजका लागि सम्पादक तथा पत्रकारहरूलाई उपस्थितिका लागि पार्टीले अनुरोध गरेको छ।