राष्ट्रिय जनमत पार्टीको बुलडोजर बाबाको टोलीद्वारा रामलीला मैदान सरसफाइ

नेपालगन्ज, ०७ कार्तिक । राष्ट्रिय जनमत पार्टीको बुलडोजर बाबाको टोलीले नेपालगन्ज उपमहानगरपालिकास्थित रामलीला मैदानमा सरसफाइ कार्यक्रम सम्पन्न गरेको छ।
सार्वजनिक स्थलको सरसफाइ तथा वातावरण स्वच्छ राख्ने उद्देश्यले टोलीले रामलीला मैदानमा सरसफाइ गरेको हो। सार्वजनिक स्थानलाई सफा, स्वच्छ र व्यवस्थित राख्न सरसफाइ अभियानले सकारात्मक सन्देश दिने अपेक्षा गरिएको छ।
राष्ट्रिय जनमत पार्टीका केन्द्रीय संरक्षक इरफान अहमद शेखको नामसँग जोडिएको यस अभियानले सार्वजनिक स्थलको संरक्षण तथा सरसफाइप्रति नागरिकको ध्यान आकर्षित गर्ने विश्वास गरिएको छ।
सार्वजनिक स्थललाई स्वच्छ राख्नु सबैको साझा जिम्मेवारी भएकाले यस्ता अभियानलाई निरन्तरता दिनुपर्ने आवश्यकता रहेको छ।